Kosovë

Vlojnë pakënaqësitë brenda pushtetit të Vetëvendosjes në Podujevë

Shpejtim Bulliqi
 

Një ditë pasi kryetari i Podujevës, Shpejtim Bulliqi, ka shkarkuar Besnik Mulliqin nga pozita e drejtorit të Inspektoratit, ka dhënë dorëheqje drejtori i Shëndetësisë, Driton Veliu. Mes arsyeve për dorëheqje ka përmendur edhe situatën e krijuar pas këtij shkarkimi. Kundër vendimit të kryetarit Bulliqi kanë dalë edhe asamblistë të LVV-së, të cilët kanë lënë të kuptohet se ndëshkimi ka ndodhur pas përcaktimit të tashmë ish-drejtorit për të rrënuar shumë objekte pa leje

Ka nxitur pakënaqësi tek eksponentët kryesorë të Lëvizjes Vetëvendosje në Podujevë, vendimi i kryetarit Shpejtim Bulliqi, për ta shkarkuar Besnik Mulliqin nga pozita e drejtorit të Inspektoratit. Një ditë pasi është kumtuar kjo masë, ka dhënë dorëheqje drejtori i Shëndetësisë, Driton Veliu.

Veliu e ka konfirmuar vendimin dhe mes arsyeve ka përmendur edhe zhvillimet, që kanë ndodhur brenda komunës. Burime të KOHËS kanë thënë se ai ka pasur mospajtime të mëdha me kryetarin Bulliqi.