Kuçi jep dorëheqje nga Dega e AAK-së në Junik pas humbjes në zgjedhje
Agron Kuçi ka dhënë dorëheqje nga Dega e AAK-së në Junik pas humbjes së balotazhit.
Kuçi në balotazh u mposht nga Ruzhdi Shehu i LDK-së.
Kryetari aktual i Junikut ka thënë se në këto zgjedhje u bënë bashkë LDK, VV e PDK për ta mposhtur AAK-në në Junik e po ashtu ka akuzuar se është bërë një fushatë linçuese e egër ndaj tij dhe familjes së tij.
“Rezultati në zgjedhje, ekskluzivisht është përgjegjësi e imja dhe e askujt tjetër prandaj i vetëdijshëm për këtë, unë jap dorëheqje të parevokueshme nga pozita e kryetarit të Degës së AAK- së, me qëllimin më të mirë që Dega të drejtohet nga një frymë e Re, e që jam i bindur se Degës sonë në Junik nuk i mungon, përkundrazi potenciali që e kemi ngritur bashkërisht është shumë i madh dhe qëndron në lartësinë e duhur”, ka shkruar Kuçi në Facebook, ndërsa ka uruar udhëheqjen e re të Komunës.
