Kosovë

VV-ja në Vushtrri “s’do të rrijë neutrale”

 

Lëvizja Vetëvendosje, që ka dalë e treta në Komunën e Vushtrrisë në zgjedhjet lokale të 17 tetorit, nuk do të rrijë neutrale në procesin e balotazhit.

Kandidati i saj, Arsim Rexhepi, sipas rezultateve preliminare të Komisionit Qendror të Zgjedhjeve (KQZ), ka marrë 7.504 vota apo 26.03 për qind, duke u renditur i treti. Në balotazh kanë shkuar Ferit Idrizi nga Partia Demokratike e Kosovës (PDK), dhe Xhafer Tahiri i Lidhjes Demokratike të Kosovës (LDK). I pari ka marrë 10.057 vota apo 34. 89 për qind dhe i dyti 9.735 vota apo 33.77 për qind. Kandidati i VV-së nuk e ka përmendur se cilin subjekt politik do ta përkrahin në balotazh, derisa ka theksuar se “ka qartësi të plotë se çfarë do të veprojmë gjatë ditëve në vijim”.