Veseli: Javën e kaluar në Ferizaj janë shqiptuar 594 gjoba për mosrespektim të masave
Zëdhënësi i Policisë Rajonale të Ferizajt, Kanun Veseli ka thënë se Policia në Ferizaj është në terren për zbatim të masave.
Ai ka thënë se në javën që ka kaluar përveç 190 vërejtjeve për qytetarët ka shqiptuar 594 gjoba, prej tyre disa për maska, distancë dhe kundërvajtje të tjera për mosrespektim të masave.
“Policia rajonale e Ferizajt nuk kanë hasur në rezistencë për respektim të masave. Para disa ditëve kemi pranuar një informatë se në një lokal nuk është duke u respektuar orari. Policia ndaj tyre ka marrë masa. Atje janë gjetur disa persona”, ka thënë ai.
Sipas tij, shumica e dënimeve janë për mosbartje të maskave.
Veseli ka thënë se Policia përmes mjeteve të informimit ka bërë apel te të gjitha bizneset që të respektojnë masat, përkatësisht distancën.
