Kosovë

Banorë të Krivarekës ndërtojnë urën nga druri pa lejen e komunës

Foto: Koha

Banorë të qytetit në Kamenicë pa lejen e komunës kanë ndërtuar një urë nga druri në lumin Krivareka. Ura po shfrytëzohet nga qytetarët për kalim nga lagja e Malësisë në drejtim të lagjes Qendra dhe anasjelltas. Mirëpo kalimi në këtë urë të improvizuar është i rrezikshëm ngase mungojnë shumë pjesë të drurit dhe një pakujdesi gjatë ecjes mbi këtë urë mund të kushtojë me rënien në lumë.

Komuna në anën tjetër është e njoftuar për ekzistimin e një ure të tillë, mirëpo ende nuk kanë marrë masa. Ndërkaq qytetarët deklarojnë se është i nevojshëm ndërtimi i urave të reja dhe se komuna është në dijeni për kërkesat e tyre, raporton KOHA.