Kosovë

Deputetja e LDK-së dhe drejtori komunal paditen për shpifje e fyerje

Deputetja e LDK-së dhe drejtori komunal paditen për shpifje e fyerje

Deputetja e Kuvendit të Kosovës nga radhët e Lidhjes Demokratike të Kosovës (LDK), Valentina Bunjaku-Rexhepi, si dhe drejtori i administratës komunale të Gjilanit, Bardhyl Syla do të dalin para gjykatës ngase janë të paditur për shpifje dhe fyerje.

Padia është ushtruar nga një qytetare nga komuna e Gjilanit e cila ka kërkuar që të mos i publikohet emri për shkak të ndjeshmërisë së rastit. Megjithatë ajo ka folur për këtë rast ngase sipas saj deputetja dhe drejtori komunal e kanë cenuar dinjitetin e saj personal duke i shkaktuar dhimbje shpirtërore ngase kanë shpifur për moralin e saj. Thotë se asnjëherë nuk ka arritur që të punësohet në institucionet publike shkaku i këtyre shpifjeve. Deklaron se është e diplomuar në fakultetin e edukimit dhe se në vitin 2009 kishte aplikuar për një vend pune si mësimdhënëse.