Një pjesë e infermierëve, mamive, vozitësve, stafit teknik dhe laborantëve në QKMF të Lipjanit mëngjesin e së hënës për rreth një orë e kanë bojkotuar punën, me arsyetimin se janë diskriminuar nga institucionet.
Sipas tyre, edhe mamitë e Repartit të Maternitetit janë obliguar gjatë kohës së pandemisë t’i trajtojnë pacientë e dyshuar me Covid-19.
Teuta Reçica, mami në Repartin e Maternitetit në Lipjan, ka thënë se janë diskriminuar pasi nuk kanë marrë pagë shtesë, transmeton KOHA.
Të diskriminuar po ndihen edhe laborantët, vozitësit dhe stafi teknik i QKMF-së në Lipjan.
Drejtori i QKMF-së, Agim Krasniqi, nuk ka dashur të flasë rreth kësaj çështjeje.
Ai mandej është munduar ta pengojë punën e gazetarit të KTV-së, me arsyetimin se nuk ka të drejtë të xhirojë brenda oborrit të QKMF-së.
Pas protestës së infermierëve, PDK-ja në Lipjan ka kërkuar shkarkimin e drejtorit Krasniqi.
Drejtoresha për Shëndetësi në Komunën e Lipjanit, Merita Bytyqi, ka thënë se Komuna vetëm e ka zbatuar vendimin e Qeverisë për stimulimin e stafit.
Gjatë kohës së pandemisë në këtë komunë janë infektuar me Covid-19 gjithsej 285 qytetarë, prej tyre janë shëruar 174, në mesin e tyre janë infektuar edhe gjashtë mjekë dhe nëntë infermierë.
-
Nga: Agim Ademi
-
17 gusht 2020 21:20
-
Shpërndaje në: