Nga e hëna në Ferizaj merren masa ndaj zyrtarëve që nuk respektojnë orarin e punës Foto: Koha

Nga e hëna në Ferizaj merren masa ndaj zyrtarëve që nuk respektojnë orarin e punës

21 February 2020 11:59

Komuna e Ferizajt iu ka bërë ftesë qytetarëve që t’i denoncojnë zyrtarët që nuk e respektojnë orarin e punës.

Përmes një postimi në Facebook, njoftohet se nga e hëna, do të nis së zbatuari masa shtesë me efekt në disiplinën e punonjësve të Komunës, për të pamundësuar zyrtarët publik në Komunën e Ferizajt që në orar të punës, të dalin e frekuentojnë ambiente jashtë qëllimit zyrtar, në dëm të shërbimeve për qytetarët.

“Ndonëse e kontrolluar vazhdimisht, disiplinës së punonjësve të administratës komunale, i pari i Ferizajt, Agim Aliu i shtoi edhe një masë të re. Të gjithë zyrtarët komunal dhe të institucioneve në vartësi të Komunës, të cilët nuk respektojnë orarin zyrtar të punës, pa arsye zyrtare, do të ndëshkohen në pagë dhe do t’i shqiptohet masë disiplinore. Madje për këtë, i pari i Ferizajt, Agim Aliu inkurajoi e ftoi qytetarët që të bëjnë denoncimet e tyre përmes shkresës së sotme dërguar gjithë zyrtarëve të Komunës së Ferizajt. Komuna e Ferizajt po shqyrton të gjitha mundësitë ligjore e financiare që për denoncimet e tyre, qytetarët të shpërblehen”, thuhet në njoftim.

Image

 

© KOHA. Të gjitha të drejtat janë të rezervuara.

Komentet

Shto koment

Të ngjashme