Podujeva mbyll qendrën e qytetit Foto: Koha

Podujeva mbyll qendrën e qytetit

Nexhat Tovërlani 17 January 2020 14:33

Qendra e qytetit të Podujevës prej të hënës do të mbyllet për qarkullimin e automjeteve. Zyrtarët komunalë kanë thënë se nga 20 janari do të fillojë së realizuari ndërtimi i Bulevardit dhe “Sheshit të Dëshmorëve” në këtë pjesë të qytetit.

Në njoftimin për media të Komunës thuhet se qytetarët duhet të shfrytëzojnë rrugët tjera për qarkullim, transmeton Koha Ditore.

“Njoftojmë qytetarët e Komunës së Podujevës se për shkak të fillimit të realizmit të projektit

ndërtimi i bulevardit dhe sheshit ‘Sheshi i Dëshmorëve’ në qendrën e qytetit, duke filluar nga data 20.01.2020 do të mbyllet për qarkullim të automjeteve një segment i Rrugës ‘Zahir Pajaziti’ në Podujevë. Drejtoria për Planifikim Urban dhe Mbrojtje të Mjedisit e Komunës së Podujevës njofton qytetarët se për shkak të fillimit të realizmit të këtij projekti...një segment i Rrugës ‘Zahir Pajaziti’ (nga udhëkryqi i rrugëve ‘Zahir Pajaziti’ – ‘Dr.Bajram Krasniqi’ deri te udhëkryqi i rrugëve ‘Zahir Pajaziti’ –‘19 Qershori’ - Rruga e re tek Xhamia), do të mbyllet për qarkullim të automjeteve duke filluar nga e data 20.01.2020, deri në përfundimin e punimeve”, thuhet në njoftimin për media të Komunës.

Sipas të njëjtit, gjatë kësaj periudhe kohore qytetarët do të mund të shfrytëzojnë për qarkullim rrugët e tjera në qytet, duke përfshirë edhe rrugën e re tek Xhamia në anën perëndimore të lumit Llap.

Image

© KOHA. Të gjitha të drejtat janë të rezervuara.

Komentet

Shto koment

Të ngjashme