YAHR: Shtatë kuvendarë të Lipjanit për gjashtë muaj s`folën asnjëherë

YAHR: Shtatë kuvendarë të Lipjanit për gjashtë muaj s`folën asnjëherë

Agim Ademi Agim Ademi 13 December 2019 08:31

Asociacioni Rinor për të Drejtat e Njeriut “YAHR” ka publikuar raportin e monitorimit të Kuvendit Komunal të Lipjanit për periudhën qershor-dhjetor të këtij viti. Sipas raportit të kësaj OJQ-je, gjatë pjesës së dytë të vitit, shtatë kuvendarë janë treguar “memecë”.

“Gjatë periudhës gjashtëmujore qershor-dhjetor të 2019-s janë mbajtur pesë seanca plenare nga ana e Kuvendit Komunal të Lipjanit. Në këto seanca shtatë kuvendarë janë treguar “memecë”, sepse nuk iu është dëgjuar asnjëherë zëri në KK, megjithëse janë të përzgjedhur nga populli për t’i ngritur telashet me të cilat po përballen qytetarët dhe për t’i mbrojtur interesat e tyre në përgjithësi. Kjo periudhë kohore karakterizohet me një dinamikë të theksuar të marrjes së vendimeve krahasuar me të njëjtën periudhë të vitit të kaluar. Gjatë kësaj periudhe janë aprovuar 19 vendime të propozuara nga ana e ekzekutivit dhe janë shqyrtuar 7 raporte, 5 rregullore dhe plane komunale”, thuhet në raportin e “YAHR”-s.

Ndërkohë kjo OJQ, nëpërmjet një komunikate për media të enjten, ka njoftuar se monitorimi është fokusuar në Kuvendin Komunal dhe organet e tjera të këtij kuvendi. “Organizata YAHR gjatë kësaj periudhe midis tjerash ka bërë notimin e angazhimeve të kuvendarëve dhe të subjekteve politike në fusha të ndryshme, duke përfshirë diskutimet gjatë seancave, propozime për rend dite, pjesëmarrjen e kuvendarëve në seanca, inicimin e çështjeve në interes të qytetareve dhe parashtrimin e pyetjeve të ndryshme nga ana e kuvendarëve drejtuar ekzekutivit”, thuhet në komunikatën e YAHR-s.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme