Kosovë

PDK: Haskuka me kritere të dyfishta te rastet kur ka dyshime

PDK: Haskuka me kritere të dyfishta te rastet kur ka dyshime
 

Drejtuesit e Degës së PDK-së në Prizren, të enjten, kanë akuzuar kryetarin e Komunës, Mytaher Haskuka, se me gjithë dyshimet që ka pasur për projektin e ndërtimit të Pishinës Olimpike i ka dhënë dritën gjelbër realizimit të tij. Sipas tyre, ai nuk ka vepruar njëjtë edhe në rastin e projektit të Teleferikut, të cilin për shkak të dyshimeve të tij e ka anuluar.

“Tani vijmë tek konstatimi se z. Haskuka tek rastet kur ka dyshime nuk vepron me kritere të njëjta, por vepron në mënyrë preferenciale”, ka thënë kryetari i degës së PDK-së, Shaqir Totaj gjatë një konference për media. Ai ka shprehur qëndrimin se lidershipi komunal nuk duhet të zbatojë praktika të kësaj natyre.