“Avoneti” akuzon komunën për degradim të sistemit arsimor
Rrjeti i OJQ-ve “Avonet” nëpërmjet një komunikate për medie ka kritikuar qeverisjen lokale për një varg gjetjesh në sistemin e arsimit. Kjo OJQ ka njoftuar se tashmë ka analizuar gjendjen e sistemit arsimor gjatë kësaj periudhe të qeverisjes së kryetari të kësaj komune, Agim Aliu.
“Arsimi në këtë komunë është duke u ballafaquar me probleme serioze. Si OJQ jemi thellësisht të shqetësuar që Komuna e Ferizajt ka instaluar në sistemin e arsimit keqmenaxhimin, politizimin e arsimit (këshillat e shkollave, atë të prindërve dhe arsimtarëve), mosfunksionalizimin e këshillave të shkollave, atë të prindërve dhe rekrutimin e drejtorëve të shkollave”, thuhet në komunikatën e kësaj OJQ-je, shkruan sot Koha Ditore.
“Avoneti” ka hulumtuar rastin e konkursit për drejtor të gjimnazit “Kuvendi i Arbrit” në Ferizaj, dhe ka konstatuar se ky proces i rekrutimit është ndesh me nenin 7 të Udhëzimit administrativ me nr. 05/2019 të MASHT-it, të paragrafit 2.6, si dhe alinetë 2.6.3, 2.6.8, 2.7.1 dhe 2.7.3, gjatë procesit të rekrutimit duke u bazuar nga neni 7, paragrafi 2.6, që komisioni është i obliguar të ftojë para prezantimit të Planit zhvillimor të shkollës, ku prezent duhet të jenë Këshilli drejtues, Këshilli i Prindërve (nga secila klasë, nga një përfaqësues i zgjedhur) dhe Këshilli i arsimtarëve, që në fakt nuk kanë qenë të ftuar.
(Artikullin e plotë mund ta lexoni në numrin e sotëm të Kohës Ditore)
