Kosovë

Rrugët në fshatrat e Rugovës pa sinjalizime dhe mbrojtëse anësore

Rrugët në fshatrat e Rugovës pa sinjalizime dhe mbrojtëse anësore

Pothuajse në të gjitha fshatrat e Rugovës ka arritur asfalti. Nuk ka aktualisht ndonjë rrugë kryesore në fshatra që nuk është mbuluar me asfalt. Prej vitit 2014 e këndej në 14 fshatrat e Rugovës, siç tregojnë në Komunë, janë investuar rreth 5 milionë euro në ndërtimin e infrastrukturës rrugore, 2 milionë nga Komuna e 3 milionë nga Qeveria.

Pavarësisht të gjithë këtyre milionave të shpenzuar, të gjitha rrugët e fshatrave në Rugovë kanë një ngjashmëri të përbashkët. Janë pa vija të bardha mesit dhe skajit të rrugës. Asnjëra nuk ka shenja trafiku, e mbi të gjitha, asnjëra nga këto rrugë, pavarësisht se janë malore dhe sjellin me vete rrezikun duke marrë parasysh kthesa të shumta dhe pjerrtësinë e rrugëve, nuk kanë mbrojtëse anësore metalike, të cilat sadopak kishin shtuar sigurinë në rrugë gjatë sezonit dimëror kur mbulohen rrugët nga bora dhe akulli. “Infrastruktura rrugore është asfaltuar e gjitha nëpër fshatrat e Rugovës, shkruan sot Koha Ditore.