Mësimdhënësi në Ferizaj merr pagë në shkollën ku s`punon

Mësimdhënësi në Ferizaj merr pagë në shkollën ku s`punon

Agim Ademi Agim Ademi 07 November 2019 08:41

Mësimdhënësit e shkollës fillore dhe të mesme të ulët “Besim Rexhepi” në fshatin Komogllavë të Komunës së Ferizajt janë ankuar se në listën e pagave të mësimdhënësve prej muajit korrik të këtij viti i është shtuar edhe një nëpunës i ri (I.M) i cili asnjëherë nuk del në punë. Mësimdhënësit kanë sqaruar se disa herë kanë kërkuar përgjigje rreth kësaj çështjeje, mirëpo asnjëherë nuk kanë marrë përgjigje.

Rreth kësaj çështjeje të mërkurën ka reaguar edhe rrjeti i OJQ-ve “Avonet” duke kritikuar Drejtorinë komunale të arsimit për keqmenaxhim dhe keqpërdorim të parasë publike. Nga ana tjetër, në Komunën e Ferizajt kanë thënë se (I.M) është mësimdhënës që ligjëron në një shkollë tjetër, mirëpo është dashur t’ia sigurojnë pagën në këtë mënyrë për disa muaj derisa ta bëjnë një zgjidhje tjetër, shkruan sot Koha Ditore.

Ylber Hajredini, mësimdhënës i matematikës në SHFMU “Besim Rexhepi” në fshatin Komogllavë, ka thënë se lista e pagave është publikuar nga shumica e mësimdhënësve, madje edhe nga mirëmbajtësit e shkollës derisa është vërejtur një parregullsi brenda saj. Sipas tij, rreth kësaj çështjeje asnjëherë nuk kanë marrë përgjigje konkrete se kush është nëpunësi i ri i kësaj shkolle që asnjëherë nuk del në punë.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme