Në rrjedhën e Llapit ndërtohen penda akumuluese për ujitjen e tokave

Në rrjedhën e Llapit ndërtohen penda akumuluese për ujitjen e tokave

16 October 2019 13:02

Kryetari i Komunës së Podujevës, Agim Veliu, ka vizituar fshatin Metehi ku është duke u realizuar projekti i ndërtimit të pendave akumuluese të ujit, për ujitjen e tokave bujqësore.

Gjatë vizitës në Metehi, Veliu, bashkë me drejtorin e Bujqësisë, Vezir Januzi, kanë përcjellë nga afër zhvillimin e punimeve në ndërtimin e njërës prej dy pendave në rrjedhën e lumit Llap.

Me këtë rast kryetari Veliu tha se gjatë këtij viti do të ndërtohen pesë penda akumuluese, të cilat do të shërbejnë për ujitjen e tokave bujqësore.

“Me këtë projekt, i cili është i rëndësisë së veçantë për fermerët llapjanë, do të vazhdojmë edhe viteve tjera, varësisht prej nevojave për ujitje të tokave bujqësore”, tha kryetari Veliu.

Me projektin që është duke u realizuar për këtë vit, tri penda do të ndërtohen në fshatin Metehi, kurse dy të tjera në Dobërdol.

Komentet

Shto koment

Të ngjashme