Kosovë

Gjurmët e terrorit bullgar të viteve ‘40

Gjurmët e terrorit bullgar të viteve ‘40

Bari është më i gjelbër në shtratin e istikamit të hapur rreth tetëdhjetë më parë. Në pjesën më të madhe të ditës, hija i bie shtratit të njërit prej dy llogoreve në dy anët e kodrës së zhveshur në fshatin Nasalë të Gjilanit.

Edhe fushat e luginës së lumit Morava kanë nisur të zverdhen. Rrezet e diellit përthyhen në gurët e copës së mbetur të “rrugës së bugarit”, që zgjatet ndanë varreve të fshatit me rreth pesëdhjetë shtëpi. Rruga ishte shtruar gjatë Luftës së Dytë Botërore kur rajoni ishte nën pushtimin bullgar.