Kamenica me 8 shkolla fillore në kuadër të reformës, do të organizohet transporti i nxënësve Foto: Koha

Kamenica me 8 shkolla fillore në kuadër të reformës, do të organizohet transporti i nxënësve

Feim Azemi 19 August 2019 09:11

Reforma e arsimit, e cila është iniciuar nga kryetari i Komunës së Kamenicës, Qëndron Kastrati, po merr formë.

Qeverisja komunale do të realizojë fuzionimin e shkollave ngase ata nuk e shohin të arsyeshëm funksionimin e shkollave në vendbanimet të cilët kanë numër të vogël të nxënësve. Komuna vlerëson se sistemi i deritashëm është i dëmshme për zhvillimin social të fëmijëve dhe për arsye të tjera, të cilat lidhen edhe me cilësinë e arsimimit, shkruan sot “Koha Ditore”.

Komuna me këtë reformë synon që klasat e shkollave fillore të kenë mesatarisht 20 nxënës. Reforma parasheh që Kamenica të ketë vetëm 8 shkolla fillore dhe nxënësit do të vijojnë procesin mësimor në shkollën “Fan Noli’ që gjendet në qytetin e Kamenicës, në shkollën “Abdullah Krashnica” në fshatin Koretin, “Rexhep Mala” në fshatin Topanicë, “Metush Krasniqi” në fshatin Roganë, “17 shkurti” në fshatin Muqivercë, “Skënderbeu” në fshatin Hogosht, “Sadri Misini” në fshatin Shipashnicë dhe shkolla “Dëshmorët e Kombit” në Kamenicë.

Komuna do të organizojë transportin për nxënësit, të cilët jetojnë në lokalitete të ndryshme dhe nga muaji shtator ata do të vijojnë procesin mësimor në këto 8 shkolla. Për këtë Komuna ka shpallur edhe tenderin për transportin e nxënësve dhe nga buxheti i komunës pritet të shpenzohen mbi 200 mijë euro në vit

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme