LDK-ja në Gjakovë nis përgatitjet për zgjedhje

LDK-ja në Gjakovë nis përgatitjet për zgjedhje

20 July 2019 14:38

Lidhja Demokratike e Kosovës ka filluar përgatitjet për zgjedhje në Gjakovë, ndonëse ato ende nuk janë shpallur.

Këtë e ka bërë të ditur kryetari i degës së LDK-së në Gjakovë, Luan Gola, përmes një postimi në Facebook.

Ai ka njoftuar se sot kanë mbajtur mbledhjen e kryesisë së LDK-së në Gjakovë, ku ka shpalosur qëndrimet dhe përfundimet e dala nga mbledhja me kryetarët e degëve të LDK-së e mbajtur para dy ditësh.

Ai thotë se ka kërkuar nga kryesia e degës që pas situatës së krijuar në Kosovë, të jetë e gatshme për aktivizëm politik, pavarësisht rrjedhjes së ngjarjeve në ditët në vijim.

Kujtojmë se dje gjatë ditës kryeministri Ramush Haradinaj dha dorëheqje nga posti i kryeministrit.

Kjo sipas të gjitha gjasave do ta çojë vendin në zgjedhje të parakohshme, por, teorikisht kjo nuk është e domosdoshme, pasi pika 5 e Nenit 95 i Kushtetutës së Kosovës, që rregullon Zgjedhjen e Qeverisë e përcakton dorëheqjen e mundshme të kreut të ekzekutivit.

 

© KOHA. Të gjitha të drejtat janë të rezervuara.

Komentet

Rinori i Ldk/se22/07/2019 16:38

Kuku per LDK/ne dhe Gjakoven,qe i ka ra hise Gola me kryesin e dobet!!!!

Shto koment

Të ngjashme