Shpallet për herë të tetë vendimi për fillimin e punimeve për ujësjellësin në Dragash

Luljeta Beselica Luljeta Beselica 07 July 2019 23:11

Shumë fshatra në Komunën e Dragashit ballafaqohen me mungesë të ujit të pijes.

Por, disa prej tyre kanë ujë vetëm 4 orë në ditë, raporton KTV.

Komuna e Dragashit, që nga viti 2016, ka ndarë mjete për fillimin e punimeve për ndërtimin e ujësjellësit, por edhe pas 3 vjetësh zvarritje të procesit të prokurimit dhe rishpalljeve të tenderit, ky institucion nuk ka arritur ta përmbyllë projektin dhe të fillojë punimet.

Për të shtatën herë me radhë, kjo komunë kishte anuluar njoftimin e kontratës në mars të këtij viti, pasi OSHP-ja kishte aprovuar ankesën e Operatorit Ekonomik “Puna” & “Info Plus”, të cilët ishin ankuar pasi fituesit e kontratës “NPN Alfa – Ing & Al – Trade shpk”, ishin shpallur të papërgjegjshëm nga OSHP-ja.

OSHP-ja kishte konstatuar se sërish kishte shkelje ligjore.

Vendimin e radhës, Komuna e Dragashit e ka marrë me 19 qershor, ku ka njoftuar për dhënien e kontratës për grupin e Operatorëve Ekonomikë “Fanaj Inxhinjering” dhe “Lala Shpk”.

Përderisa ky projekt parashihet të bëhet në tri faza dhe do të kushtojë 1.5 milion euro.

© KOHA. Të gjitha të drejtat janë të rezervuara.

Komentet

Shto koment

Të ngjashme