Kosovë

Komuna e Prizrenit dhe “Jetimat e Ballkanit” do t`i ndërtojnë 30 shtëpi për nevojtarët

Komuna e Prizrenit dhe “Jetimat e Ballkanit” do t`i ndërtojnë 30 shtëpi për nevojtarët

Drejtuesit e Komunës së Prizrenit dhe ata të shoqatës bamirëse “Jetimat e Ballkanit”, të mërkurën, kanë nënshkruar marrëveshje bashkëpunimi për ndërtimin e 30 shtëpive për familjet nevojtare. Në projektin e bashkëfinancuar, Komuna do të marrë pjesë me 150 mijë euro derisa Shoqata bamirëse do të participojë me 450 mijë euro. Autoritetet komunale kanë shprehur bindjen se ndërtimi i këtyre shtëpive do të realizohet brenda këtij viti.

Kryetari i Komunës së Prizrenit, Mytaher Haskuka, ka pohuar se marrëveshja e nënshkruar me “Jetimat e Ballkanit” parasheh ndërtimin e 30 shtëpive për familjet në nevojë, sipas formës “me çelësa në dorë”, shkruan sot Koha Ditore.