Kosovë

Përkujtohet 20-vjetori i vrasjes së 108 civilëve të katër fshatrave

Përkujtohet 20-vjetori i vrasjes së 108 civilëve të katër fshatrave
 

Në fshatrat Qyshk, Zahaq, Llabjan e Pavlan të Komunës së Pejës të martën janë përkujtuar 108 qytetarë civilë të vrarë e të masakruar në këto katër fshatra, më 14 maj të vitit 1999 nga forcat serbe. “Kjo është një plagë e madhe që nuk po mbyllet dot.

As drejtësi nuk ka dhe kjo po e hap plagën edhe ma shumë e dhembja po bëhet gjithnjë edhe më e madhe...”, shpreh dhembjen e saj përcjellë me plot lot në sy Sevdije Gashi, e cila atë ditë ka humbur babën, xhaxhallarë dhe djem të axhës, gjithsej 12 anëtarë të kësaj familjeje. Me buzë të dridhur dhe me përpjekjen që të kontrollojë emocionet e dhembjes derisa fliste, ajo ktheu kujtesën në atë ditë të kobshme për Qyshkun, dhe rrëfen çastet para se të dëgjoheshin rafalët e vdekjes të kriminelëve serbë, shkruan sot Koha Ditore.