KFOR-i italian trajnoi gratë për vetëmbrojtje nga dhuna

Gratë e strehuara në shtëpinë e sigurt të Qendrës Rajonale për Mirëqenien e Gruas në Pejë, që strehon viktimat e dhunës në familje, që vijnë nga komunat e Pejës, Istogut, Klinës, Deçanit dhe Junikut, kanë mbaruar të martën trajnimin dymujor për mbrojtje nga dhuna.

Zëdhënësi i trupave paqeruajtëse të KFOR-it italian në Pejë, Gennaro Troise, sqaroi për “Kohën Ditore” se kursi për mbrojtje personale për femra është organizuar nga Grupi Luftarak Shumëkombësh Perëndim (MBGW) i KFOR-it, në bashkëpunim me njësinë GRDW dhe njësinë e për bashkëpunim civilo-ushtarak (CIMIC), shkruan sot Koha Ditore.