Arbëri

Stafi i Emergjencës në QKMF në Lipjan kërkon shkarkimin e drejtorit

Stafi mjekësor në Emergjencën primare që funksionon në kuadër të Qendrës Kryesore të Mjekësisë Familjare në Lipjan, po kërkojnë shkarkimin e drejtorit të QKMF-së ,Agim Krasniqi, me arsyetimin se po u bën presion mjekëve, infermierëve dhe stafit teknik gjatë kryerjes së punës.

Gjithashtu, stafi i Emergjencës kanë akuzuar edhe kryetarin e Komunës, Imri Ahmeti, me arsyetimin se familjarët e tij pa të drejtë është kërkuar të trajtohen nëpër dhoma të veçanta në këtë emergjencë, shkruan sot Koha Ditore.

Sipas stafit mjekësor, një rast i tillë ka ndodhur në fund të javës së kaluar derisa po trajtohej një familjar i kryetarit Ahmeti, ndërkohë drejtori i QKMF-së, Agim Krasniqi, e ka futur atë pacient në dhomën e mjekut, e cila nuk është e dedikuar për trajtime të tilla.

Ndërkohë ky veprim është kundërshtuar nga stafi i mjekëve, derisa është dashur të intervenojnë edhe Policia e Kosovës së bashku me kryetarin e Komunës, Imri Ahmeti.

(Artikullin e plotë mund ta lexoni sot në “Koha Ditore”)