Gjilan, 100 mijë euro grant për fushën e pastërtisë

Gjilan, 100 mijë euro grant për fushën e pastërtisë

11 janar 2019 14:50

Komuna e Gjilanit ka fituar grantin e radhës në vlerë prej 100 mijë euro nga Ministria e Mjedisit dhe Planifikimit Hapësinor për Performancën e mirë në kuadër të aksionit “Ta Pastrojmë Kosovën”, njofotn kumtesa komunale.

Kryetari i komunës, Lutfi Haziri, ka falënderuar ministrin Matoshi për vlerësimin e lartë për Gjilanin, duke thënë se ky grant është edhe një motiv shtesë për të punuar në mënyrë permanente për një ambient më të mirë.

“Pas grantit prej 300 mijë euro që e kemi marrë para ca ditësh nga organizata zvicerane DEMOS, lajmi i mirë është që kemi fituar edhe 100 mijë euro të tjera nga Ministria e Mjedisit për fushën e pastërtisë. Të dyja këto grante do të investohen në infrastrukturë publike dhe projekte për komunitetin”, ka thënë Haziri.

© KOHA. Të gjitha të drejtat janë të rezervuara.

Komentet

Shto koment

Të ngjashme