Komuna e Gjilanit dështoi të investojë 1.2 milionë euro për projektet kapitale

Komuna e Gjilanit dështoi të investojë 1.2 milionë euro për projektet kapitale

Feim Azemi 07 January 2019 11:32

Komuna e Gjilanit ka dështuar të shpenzojë 1 milion e 200 mijë euro të arkës së buxhetit, të destinuara për investime kapitale, për vitin 2018, shkruan sot Koha Ditore.

Qeverisja komunale e Gjilanit kishte ngecur në shpenzimin e mjeteve financiare dhe në këtë mënyrë shumë nga projektet me rëndësi për banorët e kësaj komune nuk janë zbatuar. Buxheti total për investime kapitale për vitin 2018 ishte mbi 6 milionë euro.

Pushteti komunal në vazhdimësi ishte arsyetuar se mosshpenzimi i mjeteve financiare ishte pasojë e problemeve, lidhur me organizimin e brendshëm, ngase kanë pasur mungesë të kuadrit profesional në zyrën e prokurimit.

Kurse opozita në këtë komunë vlerëson se pushteti komunal nuk është duke menaxhuar mirë proceset dhe se për këtë ndihen të shqetësuar qytetarët.

(Më shumë lexoni sot në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme