Kosovë

Fshati pa shkollë

Fshati pa shkollë
Foto: Koha

Fëmijët ishin bërë gati për të marrë rrugën e gjatë, siç është rruga e dijes. Kilometrat për të mbërri në objektin e dijes nuk janë pak për moshën që kanë. Duhet të shkojnë në fshatin fqinj, pasi në Merdar nuk ka objekt shkollor. Ky është fshati pa shkollë!

Vendi ku ata jetojnë nuk është i panjohur. Porta 3, siç quhet pika kufitare në Merdar të Podujevës, pret e përcjell qindra mijëra udhëtarë brenda vitit. Edhe mallrat, deri para vendosjes së taksës prej 100 për qind për produktet serbe e boshnjake, ishin më të shumtat që hynin nëpër këtë kufi, shkruan sot “Koha Ditore”. Por, banorët e fshatit Merdar përveçqë nuk kanë shkollë, ambulancë e xhami, ata nuk kanë as dyqan ku mund të blejnë gjërat ushqimore. Ky është fshat i kontrasteve.