Komisioni Qendror i Zgjedhjeve ka njoftuar se është përmbyllur procesi i rinumërimit të fletëvotimeve të pesë vendvotimeve, në bazë të vendimit të PZAP-it. Vendvotimet e rinumëruara i takonin komunave: Mitrovicë e Jugut; Kamenicë dhe Podujevë.
KQZ-ja po ashtu njoftoi se në QNR po vazhdon edhe numërimi i votave me kusht për të vazhduar pastaj me ato të personave me nevoja të veçanta.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“KQZ njofton se në QNR është duke vazhduar procesi i numërimit të fletëvotimeve që i takojnë votimit me kusht, ndërkaq pas tyre planifikohet fillimi i numërimit të fletëvotimeve nga votimi i personave me nevoja të veçanta. Edhe këto rezultate janë duke u paraqitur në platformën për rezultate, në rubnrikën “Rezultate QNR – Votimi me kusht”. Votimi me kusht është realizuar në 54 vendvotime speciale në 38 komuna, ndërsa votimi i personave me nevoja të veçanta është zhvilluar jashtë vendvotimeve, përmes ekipeve mobile gjatë ditës së zgjedhjeve”, thuhet mes tjersh në njoftim.
Gjithashtu, në QNR është duke u zhvilluar edhe procesi i skanimit të Listës së Votuesve. Ky hap është thelbësor për garantimin e integritetit të procesit zgjedhor, pasi skanimi mundëson krahasimin e pjesëmarrësve në votim në vendvotimet e rregullta me ata që kanë votuar me kusht. Qëllimi është të identifikohen rastet eventuale kur një person ka votuar dy here: në vendvotimin e rregullt dhe në atë me kusht.