Shërbimet shëndetësore në Kosovë duhet të jenë universale, ka deklaruar kandidatja e PSD-së për deputete, Natyre Kuçi.
Derisa ka komentuar gjendjen e shëndetësisë në vend në debatin “Zgjedhjet në Kohë”, Kuçi ka thënë se njerëzit duhet të kenë qasje të barabartë në shërbime shëndetësore pavarësisht a punojnë a jo.
Sipas saj, sistemi shëndetësor në Kosovë është i dëmtuar.
“Që sistemi shëndetësor në Kosovë është keq dhe i dëmtuar kjo nuk mbulohet as me numra e as me përqindje. Në një pushtet i cili e ndan 2-3% të buxhetit për shëndetësi e i çon 1 miliard euro për militarizim të shtetit për mua kjo qasje flet për çka do kjo qeveri me pas prioritet edhe çka ka prioritet”, ka thënë Kuçi.
Kandidatja e PDK-së ka thënë se është shqetësuese ikja e mjekëve në vendet e tjera, veçanërisht në Gjermani.
Edhe
Haxhiu: Me rritjen e buxhetit në shëndetësi është rritur edhe korrupsioni
“Është shqetësuese që shkollat publike tonat qesin mjekë të mirë, infermierë të mirë po ne prapë po mbesim pa infermierë, pa anesteziologë sepse ose po i merr privati ose po shkojnë jashtë. Kjo është kosto shumë e madhe sepse nëse Gjermania t'i merr për një vit 11-12% të mjekëve atëherë i bie që ne po prodhojmë mjekë për Gjermani dhe po na ik truri”, ka theksuar ajo.
Kuçi ka shtuar se PSD-ja është duke garuar që të jetë në opozitë në mënyrë që të mos lejohet që të bëhen pazare me shëndetësinë dhe që ajo të trajtohet si prioritet.
