Fauja Singh ishte vrapuesi më i vjetër i maratonës në botë. Britaniku me rrënjë indiane ka vdekur në moshë 114-vjeçare.
Ai u godit nga një veturë ndërsa po kalonte rrugën në fshatin e tij të lindjes, Beas Pind, në Punjab. Singh vdiq pak më vonë në spital, raporton “20 Minuten” të martën.
Singh nuk filloi të vraponte deri në moshën 89-vjeçare. Midis viteve 2000 dhe 2013, ai përfundoi nëntë maratona, përfshirë një në moshën 100-vjeçare.
Libri i Rekordeve “Guinness” nuk e evidentoi kurrë zyrtarisht sepse nuk kishte certifikatë lindjeje. Në pasaportën e tij britanike, data e lindjes i shënohej 1 prill 1911.
Ai ndër të tjera vrapoi maratonën e Londrës, Torontos dhe Hong Kongut.
