Përfaqësuesja U19 e Kosovës në hendboll e ka nisur me fitore bindëse Kampionatin Evropian të Divizionit B në Gjeorgji.
Të shtunën pasdite në Telavi, Kosova U19 fitoi 31:21 ndaj Bullgarisë.
Martina Bibaj ishte më efikasja te Kosova U19 me shtatë gola. Ajo u shpall edhe më e mira e ndeshjes. Kapitenia Sara Gjergjaj i shënoi gjashtë gola nga gjashtë tentime. Nga pesë gola i shënuan Arona Krasniqi e Diona Dresh. Me shumë pritje u dallua portierja Albina Pllana, plot 12.
Selektori Agron Shabani ua ka dhënë rastin të gjitha lojtareve.
Të dielën është ndeshja e dytë e Kosovës, ndaj Ukrainës.
