Volejbollistet e kampionit të Kosovës, Fer Volley, e kane nisur me humbje garën në “CEV Challenge Cup”.
Fer Volley humbi me rezultat 3:1 në sete nga ekipi zviceran Volley Dudingen. Ndeshja u zhvillua të mërkurën.
Vetëm seti i dytë i takoi ekipit nga Ferizaj, 25:22. Setinne parë e humbi 25:15, të tretin 25:18 dhe të katërtin 25:15.
“Pavarësisht humbjes, vajzat e Fer Volleyt treguan karakter dhe luftuan me vendosmëri në një ndeshje të fortë ndaj kundërshtarit zviceran, duke fituar setin e dytë dhe duke zhvilluar një performancë të respektueshme në debutimin evropian”, shkruan Federata e Volejbollit e Kosovës.
Ndeshja e kthimit do të zhvillohet më 5 nëntor nga ora 20:00, në Ferizaj. Synohet përmbysja e rezultatit dhe kalimi tutje.