Gjatë koncertit të saj në Bogota, pjesë e turneut “Radical Optimism” që shënoi shfaqjen e fundit të gjysmës së dytë të turneut këngëtarja shqiptare me famë botërore, Dua Lipa dhuroi një performancë elektrizuese, duke mahnitur publikun.
Ndërsa këndonte, Dua befasoi fansat duke bërë një dedikim të ëmbël për këngëtaren kolumbiane fituese e Grammyt, Shakira, duke interpretuar me shpirt hitin e saj të vitit 1995, “Antologia”.
"Jam shumë e prekur që po e dëgjoj këngën time me zërin e Duas, në të njëjtin qytet ku e kam shkruar vite më parë. Shihni si na bashkon muzika? Një vajzë nga Londra dhe një tjetër nga Barranquilla! Faleminderit @dualipa! Çfarë kënaqësie!", ka shkruar Shakira në profilin e saj në Instagram.
Postimi u shoqërua me një video ku Dua Lipa këndonte” Antologia” në skenë, duke shkaktuar një valë reagimesh të gëzuara nga fansat.
Në komente, këngëtarja e hitit “Future Nostalgia” iu përgjigj Shakirës: "Ishte një natë e bukur dhe më pëlqeu të këndoja këngën tënde!!! Të dua!!!"
Fansat mbushën postimin me komente mbështetëse dhe emocionuese.
"Më pëlqeu shumë! Një gjest kaq i bukur!", shkroi njëri.
"Je inspirim për shumë njerëz! Disa nga ata që janë të mëdhenj sot në industrinë e muzikës janë si ti. Të duam!", shtoi një tjetër.
Dua Lipa do të përmbyllë turneun e saj Radical Optimism me tre koncerte në Meksikë, më 1, 2 dhe 5 dhjetor 2025.