Pink në përgatitje të albumit të 10-të

Këngëtarja e njohur, Pink, raportohet se është në fazat përfundimtare të albumit të saj të 10-të në studio, ndërsa po përgatitet të rikthehet me muzikë të re pas një periudhe të qetë pune.

Sipas raportimeve, artistja e hitit “What About Us” ka përfunduar turneun “Trustfall Tour” në muajin nëntor të vitit 2024 dhe ka nisur punën për albumin e ri në fillim të vitit 2025.

Një burim për The Sun ka thënë se Pink ka punuar kryesisht në studio gjatë kësaj periudhe për të përfunduar këngët e reja.

“Ajo ka hyrë në studio në mënyrë të qetë dhe po përfundon këngët”, ka thënë burimi.

Sipas të njëjtit burim, këngëtarja ka ndryshuar disi stilin e saj muzikor, por pa u larguar krejtësisht nga tingulli i saj karakteristik.

“Nuk është një ndryshim total i drejtimit, por tingulli ka ndryshuar disi. Ajo është shumë e emocionuar që fansat ta dëgjojnë albumin e ri”, u ka thënë më tej.

Ky lajm vjen vetëm disa javë pasi Pink prezantoi ceremoninë e ndarjes së çmimeve “Tony”.

Ndërkohë, ajo pritet të marrë edhe çmimin “O2 Silver Clef” nga organizata “Nordoff and Robbins” më 9 korrik në “Royal Albert Hall” në Londër. Ky çmim u është dhënë më parë emrave të mëdhenj si David Bowie, Ed Sheeran, Paul McCartney dhe grupit The Rolling Stones.

Vetë Pink ka thënë se ndihet e nderuar për këtë vlerësim dhe se muzika për të është një mjet i fuqishëm për ndryshim dhe mbështetje të kauzave shoqërore.