-
Përktheu:
Vita Abrashi-Kajtazi
- 10 nëntor 2025 08:51
- Shpërndaje në:
Reperi P.Diddy po e merr seriozisht të qëndruarit esëll ndërkohë që është në burg, sipas përfaqësuesve që po i mohojnë pretendimet se ai është zënë duke pirë alkool.
56 vjeçi i cili po vuan dënimin prej 50 muajsh burgim, nga qendra e paraburgimit në Brooklun, është transferuar në New Jersey, pasi është shpallur fajtor për dy akuza për transportim të personave për të marrë pjesë në prostitucion.
Zëdhënësi i reperit i ka mohuar pretendimet se ai është zënë duke pirë alkool në burg, duke insistuar se ai është duke e marrë shumë seriozisht të qëndruarit esëll e i pastër.
“Ka pasur disa raportime të rreme për z.Combs. Ai nuk ka thyer asnjë rregull të burgut. Te qëndruarit esëll e disiplina janë prioritet për të, dhe po i merr seriozisht. Kjo është vetëm java e tij e parë në Fort Dix të New Jerseyt, dhe fatkeqësisht, shumë thashetheme do të dalin ndërkohë që do të qëndrojë aty. Kërkojmë nga publiku e nga shtypi t'i japin privatësi që të mund të fokusohet në rritjen personale e të mirën, që të mund të përparojë në paqe”, ka thënë zëdhënësi për revistën Poeple
Një deklaratë ku mohohen thashethemet për konsumimin e alkoolit, është lëshuar edhe në llogarinë e P.Diddyt në rrjetin social X.
“Thashethemet që pretendojnë se z.Combs është zënë duke konsumuar alkool janë tërësisht të rreme. Fokusi i tij i vetëm është të jetë versioni më i mirë i vetes së tij e të rikthehet te familja”, thuhet në deklaratë.
Ekipi i tij i avokatëve mbrojtës pati kërkuar që ylli të transferohej në institucionin korrektues në New Jersey, për shkak se kjo qendër burgimi konsiderohet se i ka programet më të mira për rehabilitimin nga droga.
Më parë, themeluesi i “Bad Boy Records”, është ankuar se ka pasur incidente të këqija në burgun e Brooklynit, pasi një nga shokët e tij, Charlucci Finney, pati thënë se reperi është zgjuar nga gjumi ndërkohë që një person i kishte vënë thikën te fyti.
“Nuk e di a e është përleshur me atë person apo nëse kanë ardhur rojet, vetëm e di se ka ndodhur”, pati thënë ai.