“Stranger Things” është rikthyer. Seriali hit i Netflixit është kthyer për sezonin e tij të pestë dhe të fundit, i cili vjen te shikuesi në tri pjesë të ndara, të shtrira gjatë Ditës së Falënderimeve, Krishtlindjeve dhe Vitit të Ri, me episodin final që transmetohet në Netflix dhe do të shfaqet njëkohësisht në disa kinema të përzgjedhura.
Në grupin e parë të episodeve, shohim kryepersonazhet të tronditur nga finalja apokaliptike e sezonit të katërt (që u transmetua në vitin 2022) – Max është ende në koma pas përballjes së saj me Vecnan, Eleven (luajtur nga Millie Bobby Broën) është rikthyer nëntokë me Hopperin. Vecna mungon dhe pjesa tjetër e ekipit, përfshirë Joycein, po përpiqen të zbulojnë se çfarë po ndodh me dimensionin e errët dhe paralel, Upside Down. Për më tepër, ndodhë edhe një zhdukje tjetër e një personazhi kyç.
Seriali debutoi në vitin 2016 dhe e shndërroi kastin e atëhershëm të aktorëve të rinj, përfshirë Millie Bobby Brown, Noah Schnapp dhe Finn Wolfhard, në yje të Hollywoodit.
Pjesa e parë e “Stranger Things” po transmetohet në Netflix. Pjesa e dytë vjen në Ditën e Krishtlindjeve ndërsa finalja e serialit do të transmetohet natën e Vitit të Ri.