Louis Walsh, 73-vjeç, ka kritikuar ish-mikun e tij Simon Cowell, duke thënë se më nuk ka kush interesohet për programin e tij Britain’s Got Talent (BGT).
Louis, i cili ishte pjesë e jurisë në këtë spektakël tha për gazetën “The Sun on Sunday” se BGT nuk shikohet njëjtë më.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“BGT, kujt i intereson?! Nuk është më si dikur. Në të kaluarën mbante mbi 12 milion shikues dhe e gjithë Britania e ndiqte fituesin. Tani nuk duket kështu; kush fitoi vitin e kaluar, vallë?”
Ai shtoi se Simon dikur ishte i jashtëzakonshëm, por tani nuk ka të njëjtin instinkt, shkruan Female First.
Ai e pranoi se nuk ka më kontakt me Simon duke e kritikuar ashpër edhe rrethin e tij, duke përfshirë të fejuarën Lauren Silverman, nënën e djalit të tij, Eric, 11 vjeç.
“Ai është rrethuar me njerëz që nuk i thonë të vërtetën më… me hipokritë. Tani është një familjar, Lauren ka kontroll mbi agjendën dhe telefonin e tij. Nuk kam folur me të prej vitesh”, ka thënë ai.
Simon, nga ana e tij, ka thënë më parë se qesh kur Louis e kritikon publikisht.
“Miqësia do të thotë që mund të thuash gjëra dhe të qeshësh më pas. Kur ai flet për mua në disa shfaqje, unë qesh dhe mendoj: ‘Louis! Pse e bëre këtë?’ Ai thotë: ‘Më paguan shumë!’ Unë qesh dhe nuk ka problem”, ka thënë ai.