Jessie J ndihet "pozitive dhe mirënjohëse" pas operacionit të kancerit të gjirit, por asaj i "mungon të qenit një nënë aktive" dhe ka ndaluar së marri ilaçe kundër dhimbjeve.
Këngëtarja 37-vjeçare, e cila ka një djalë dyvjeçar, Sky, me partneren Chanan Colman, i është nënshtruar operacionit 12 ditë më parë, pasi zbuloi muajin e kaluar se ishte diagnostikuar me kancer të gjirit.
Në një përditësim të ri, këngëtarja e hitit “Price Tag” ka zbuluar se ka ndaluar së marri ilaçe kundër dhimbjeve sepse ato "nuk janë për të".
"Për ata që kërkojnë një përditësim shëndetësor. Jam 11 ditë pas operacionit. Jam mirë. Më mungon më shumë të qenit një nënë/njeri aktiv...Sky po kalon shumë mirë me dadon dhe gjyshin. Është ende e pakëndshme, pak e dhimbshme, por mund ta përballoj. Po bëj ushtrimet e mia dhe po marr të gjitha ushqimet e shëndetshme. Jam përpjekur të ushqehem shumë shëndetshëm. Kam ndaluar të gjitha ilaçet kundër dhimbjeve. Thjesht nuk janë për mua”, ka shkruar ajo në një postim në Instagram.
Ajo i ka paralajmëruar fansat se ndihet ende "pak e çrregullt", në rast se e shohin jashtë.
Jessie gjithashtu ka postuar një citat frymëzues, i cili thoshte: "Para se të shkosh në shtrat sonte, mbaj mend çdo gjë të vogël që shkoi mirë. Çdo fitore të vogël dhe çdo moment që të bëri të buzëqeshësh”.
Javën e kaluar, Jessie ka thënë se nuk e di nëse është pa kancer pas operacionit.
