Aktorja e njohur Jennifer Lawrence, 35-vjeçare, ka rrëfyer se është një adhuruese e madhe e reality showve, veçanërisht “The Kardashians” dhe “Real Housewives”, por ka pranuar se nuk e pëlqen Kourtney Kardashian.
Gjatë një interviste me Robert Pattinson për Vanity Fair, ku të dy iu nënshtruan një detektori gënjeshtre, Pattinson e pyeti: “Ti ke folur shpesh për dashurinë tënde ndaj realityshow. A vazhdon të ndjekësh The Kardashians?”
Jennifer u përgjigj: “Jo këtë sezon. Kam qenë më shumë në TikTok, por jo.”
Kur Robert i tregoi një foto të Khloe Kardashian dhe e pyeti nëse ajo ishte e preferuara e saj, Jennifer u përgjigj pa hezitim: “Po!”
Aktorja më pas shtoi:
“Kourtney është më bezdisshme se kurrë. Më çmend”.
Lawrence ka treguar edhe më herët se “The Kardashians” e kanë ndihmuar të përballojë stresin gjatë xhirimeve të filmit horror “Mother!” në vitin 2017.
Në një intervistë për The Tonight Show me Jimmy Fallon, ajo u shpreh:
“Isha në një pikë shumë të ulët gjatë atij filmi, në një gjendje të errët psikologjike, ndaj më duhej diçka për t’u shkëputur. Kështu që ‘solla’ Kardashians në set – jo personalisht, por përmes një kompjuteri që luante episodet e tyre gjatë gjithë kohës.”
Jennifer tha se kishte edhe fotografi dhe shënime personale nga anëtarët e familjes Kardashian për ta mbajtur veten në humor, por nuk pranoi t’i ndante me publikun “për të mos ofenduar askënd”.