Demi Lovato tregon sekretin e marrëdhënies së fortë me bashkëshortin

Këngëtarja, Demi Lovato, ka treguar se martesa me muzikantin, Jordan “Jutes” Lutes, vetëm sa e ka forcuar edhe më shumë lidhjen e tyre.

Këngëtarja 33-vjeçare u martua në muajin maj të vitit 2025 dhe ka thënë se dashuria mes tyre vazhdon të rritet çdo ditë.

“Vërtet mendoja në ditën e dasmës që kisha arritur maksimumin e dashurisë që mund të ndjesh për një person. Por me kalimin e kohës krijon një lidhje aq intime dhe të plotë, sa bie gjithnjë e më shumë në dashuri”, ka thënë ajo në një intervistë për E! News.

Sipas saj, sekreti i kësaj marrëdhënieje të fortë është shumë i thjeshtë: të kalojnë kohë të bukur bashkë.

“Qeshim, argëtohemi shumë. Rrimë zgjuar deri vonë duke qeshur derisa na dalin lotët. Ndihet si një ‘sleepover’ i madh me mikun tënd më të mirë, i cili edhe shumë, shumë të tërheqë”, ka thënë ajo.

Megjithatë, çifti nuk do ta kalojë bashkë përvjetorin e parë të martesës në muajin maj, pasi Lovato do të jetë e angazhuar me turneun e saj “It’s Not That Deep”.

Ajo ka theksuar se është shumë e rëndësishme të ndihet mirë dhe e freskët gjatë performancave.

“Kur ndihesh mirë me veten, jep maksimumin, qoftë në studio apo para mijëra njerëzve në skenë. Janë ato momentet e përgatitjes para se të dalësh që bëjnë gjithë ndryshimin”, ka thënë ajo.

Në një rrëfim tjetër, Lovato ka treguar se ka qenë shumë e kujdesshme me menynë e dasmës, duke pasur parasysh të kaluarën e saj me çrregullimet në të ushqyer.

“Ishim shumë specifikë për menynë. Kuzhinieri erdhi në shtëpinë time dhe përgatiti rreth 18 ushqime të ndryshme për provë. Ishte pak e lodhshme, por ia dola me mbështetjen e bashkëshortit tim”, ka thënë ajo në një ngjarje në New York.

Në fund, ajo ka treguar se kanë zgjedhë disa pjata dhe donin që në dasmë të kishin ushqimet që i donin vërtetë.