-
Përktheu:
Vita Abrashi-Kajtazi
- 15 nëntor 2024 14:51
- Shpërndaje në:
Komediani e producenti i njohur amerikan, Conan O’Brien, do të jetë udhëheqësi i spektaklit të ndarjes së çmimeve nga Akademia e Filmit, “Oscar”, i cili do të mbahet në muajin mars të vitit të ri.
Lajmin e kanë bërë të ditur zyrtarët e Akademisë së filmit, përmes një deklaratë dhënë të premten, ka shkruar “Good Morning America”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
“Amerika ka kërkuar dhe tani do të ndodhë: Do ta udhëheq Oscarin”, ka thënë O’Brien, në një deklaratë për shtyp.
Ai është i njohur për udhëheqjen e emisionit “The Late Show With Conan O’Brien” si dhe për punën e tij si skenarist në emisionin e njohur “Saturday Night Live” dhe “The Simpsons”.
Që nga viti 2018, ai ka udhëhequr podcastin “Conan O’Brien Needs a Friend” dhe së fundmi është shfaqur në projektin televiziv “Conan O’Brien Must Go”.
Edicioni i 97-të me radhë i ndarjes së çmimeve nga Akademia e Filmit do të mbahet më 2 mars të vitit 2025, në teatrin “Dolby”, duke nisur nga ora 19:00 e mbrëmjes dhe do të transmetohet në kanalin ABC, i si dhe në 200 territore nëpër mbarë botën.