Ariana Grande lidhet sërish me Ricky Alvarezin, 10 vjet pas ndarjes

Ylli i muzikës pop Ariana Grande është përfolur se ka nisur një lidhje të re me ish-të dashurin dhe ish-balerinin e saj, Ricky Alvarez, gati një dekadë pasi u ndanë në vitin 2016.

Sipas revistës “People”, Grande dhe Alvarez janë afruar pas ndarjes së këngëtares nga aktori Ethan Slater. 

“Ariana e ka konsideruar gjithmonë Rickyn mik. Ajo nuk ka mbajtur kurrë mëri ndaj tij pas ndarjes. Ricky është i besueshëm, i qëndrueshëm dhe shumë mbështetës. Me të, Ariana ndihet plotësisht vetvetja”, ka thënë burimi.

Sipas të njëjtit burim, Grande e vlerëson humorin e Alvarezit dhe është e lumtur që ai është rikthyer në jetën e saj.

“Ata kanë një sens humori të ngjashëm, inteligjent dhe të hollë. Nuk po nxitojnë të hyjnë në një lidhje serioze, por Ariana është e lumtur që e ka sërish pranë”, ka thënë burimi.

Edhe Showbiz 1 muaj më parë Ariana Grande e Ethan Slater janë ndarë pas gati tre vjetësh lidhje

Raportohet se të dy kaluan fundjavën e 4 Korrikut së bashku me familjen e Grandes.

“Ricky ka qenë gjithmonë një mik dhe njeri të cilit Ariana i beson. Ai ka energji shumë pozitive, e bën të qeshë dhe asaj i pëlqen të kalojë kohë me të”, ka shtuar një tjetër burim.

Alvarez u përmend edhe në hitin e Grandes “Thank U, Next” të vitit 2018. Gjatë turneut të saj “Eternal Sunshine”, ajo ka ndryshuar herë pas here vargjet e këngës.

“Kam shkruar disa këngë për Rickyn, e di që ai ende më mbështet”, këndon Grande, duke shtuar se “Kam shkruar disa këngë për Rickyn dhe ato ende tingëllojnë shumë mirë”.

Në muajin qershor u raportua se Grande dhe Slater i kishin dhënë fund lidhjes së tyre disa muaj më parë.

Edhe Showbiz 7 muaj më parë Ariana Grande tregon se si aktrimi e ndihmoi ta shëronte marrëdhënien e saj me muzikën

“Ndarja ishte miqësore. Ata e menduan me kujdes këtë vendim dhe zgjodhën të vazhdonin rrugët e tyre veçmas. Megjithatë, mbeten miq dhe vazhdojnë ta mbështesin njëri-tjetrin”, pati  thënë një burim për People.