-
Nga:
Faton Polisi
- 21 maj 2026 19:11
- Shpërndaje në:
Garuesit e përfaqësueses së Kosovës në karate u nisën drejt Gjermanisë me synime të mëdha. Por karateistët e kosovës e mbyllën paraqitjen në Evropianin që po mbahet në Frankfurt të Gjermanisë, pa iu afruar zonës së medaljeve.
Për më tepër, në ditën e dytë të Evropianit, karateistët e Kosovës nuk kaluan asnjë kundërshtar.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTë enjten në tatami u paraqitën Mujë Krasniqi, Qëndresa Ibrahimi, Islam Selmani dhe Albulena Gërvalla.
Krasniqi ishte i lirë në raundin e parë, ndërsa në të dytin e kategorisë deri 67 kilogramë humbi nga karateisti i Islandës, Josh Samuel Ramos.
Në luftën e parë u ndal edhe karateistja Ibrahimi. Ajo e humbi luftën e kategorisë deri 55 kilogramë nga karateistja e Gjeorgjisë, Lizi Zviadauri.
Albulena Gërvalla po ashtu u ndal në xhiron e parë nga karateistja e Spanjës,
Mireia Vizuete, në kategorinë deri 50 kilogramë.
Shpresat më të mëdha karateja kosovare i kishte te nënkampioni i Botës i kategorisë deri 60 kilogramë, Islam Selmani.
Slemani përballë e kishte spanjollin, Unai Tolosa Chica, nga i cili humbi në luftën e parë të Evropianit që nisi të mërkurën.
Në ditën e parë të Evropianit u paraqitën Fortesa Orana, Benjamin Shabani, Vlera Qerimi, Jakup Ajdari, Elmedina Istogu dhe Betim Maliqi. Në kata Kosova u përfaqësua nga Blendi Salihu dhe Alma Loki, që po ashtu nuk patën sukses.
Zonës së medaljeve nuk iu afruan as karateistët e Shqipërisë, Orges Arifi, Rami Rigers, Bekim Basha, Melos Gashi dhe Blodin Pakashtica.