Shpëtim Bajoku ka nisur me fitore në Botërorin e boksit që po mbahet në Liverpool.
Bajoku, që garon në kategorinë deri 70 kg, mposhti iranianin Hassanpour Sina me rezultatin 4:1. Katër anëtarë të jurisë i dhanë fitoren Bajokut (30:27, 30:27, 29:28 dhe 30:27) dhe një i dha fitoren iranianit (29:28).
Bajoku më 6 shtator do të prëballet me Odel Kamaran e Anglisë.
Ndërkohë të enjten është eliminuar në pengesën e parë boksieri Loris Idrizi. Idrizi, që garon në kategorinë deri 65 kg, u mposht 5:0 nga spanjolli Ibarreche Conde Oier.