-
Nga:
Sara Koci
- 25 shtator 2023 14:40
- Shpërndaje në:
Muaji i modës ka filluar nga 8 shtatori dhe do të zgjasë deri më 3 tetor. Të gjithë fashionistët do të jenë sy e vesh te koleksionet që do të prezantojnë disenjatorët e njohur.
Për këtë vit në qendër të vëmendjes janë: Sabato De Sarno me koleksionin e tij të parë për “Guccin”, Peter Hawkings me debutimin e tij në markën “Tom Ford”, Peter Do në “Helmut Lang” dhe Phoebe Philo me koleksion personal debutues.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSi gjithmonë java e parë e modës nis në New York. Gjithsej do të jenë 69 sfilata mode, njëra prej tyre i dedikohet rikthimit të Ralph Lauren në qytetin që nuk fle kurrë. Lauren solli frymën e një bari “Polo” në oborrin e marinës së Brooklyn. Me këtë koleksion disenjatori solli romancën, konfidencën dhe modernen në stilin e një gruaje.
Në “Koleksionin pranveror 2024” nga Ralph Lauren dominonte materiali i xhinsit i kombinuar me këmisha nga materiali lino, veshjet ishin të pikturuara me lule të bardha, të kaltra dhe ari. Sfilata ndërroi dinamikë kur u shfaqën modele të veshura në ngjyrë ari dhe të zezë. Ngjyra ari u shfaq në bluza, sako dhe funde. Shfaqja u përmbyll me veshje me ngjyra.
Një tjetër sfilat që mblodhi shumë fytyra të njohura të modës ishte “Dion Lee”. Edhe në këtë koleksion dominuan materiali i xhinsit dhe lëkura, por të punuara në një formë shumë urbane. Detaje interesante ishin mjetet e punës si aksesorë në veshje.
“Khaite” është një tjetër brend që po pëlqehet nga të gjithë. Për publikun marka prezantoi në video 11-minutëshe triller, në sy binin 44 personazhet dramatike, por të veshura shumë “shik”.
Edhe Michael Kors ndryshoi dinamikën në Brooklyn duke sjellë stilin nga Capri i Italisë. Për disenjatorin ishte e rëndësishme të sillte frymën e udhëtimeve dhe pushimeve, pasi që ai vetë gjeti inspirim në rrugët e Caprit gjatë pushimeve. Disenjatori e lidhi ngushtë koleksionin e tij edhe me ikonën Jane Birkin, duke e komentuar stilin e saj që gjithmonë vishej me këmisha dantelle dhe të shkurtra. Nuk munguan as aksesorët ngjyrë ari, të cilët sillnin frymën e viteve ‘60 dhe ‘70.