Një rakun është futur në një dyqan që ishte i mbyllur në Virginia dhe është ngjitur në raftin ku mbaheshin pijet alkoolike. Shishet me alkool u thyen dhe alkooli u derdh në dysheme.
E çuditshmja ndodhi kur një punëtor hyri për ta hapur dyqanin.
Ai gjeti rakunin të shtrirë në dyshemenë e banjës dhe dukej se ishte dehur pasi kishte pirë alkoolin e derdhur.
“Më pëlqejnë rakunët. Ato janë krijesa qesharake. Ky rakun theu shishet dhe përfundoi duke i pirë të gjitha”, ka thënë Samantha Martin, punonjëse në zyrën për kontrollin e kafshëve.
Martin konfirmoi se rakuni më vonë ishte kthjellur.
“Pas disa orësh gjumi, ai u rikthye i sigurt në natyrë”, ka shtuar ajo.