-
Nga:
Florinda Abazi
- 8 janar 2025 19:11
- Shpërndaje në:
Subjekteve politike nuk u është ndarë buxheti për zgjedhjet e 9 shkurtit. KQZ-ja nuk e miratoi atë, meqë anëtarët e Vetëvendosjes refuzuan që të ndahet buxhet edhe për Listën Serbe
Komisioni i Qendror i Zgjedhjeve nuk ka miratuar ndarjen buxhetore për 14 subjekte politike, në prag të nisjes së fushatës për zgjedhjet e 9 shkurtit.
Shkak u bë fakti që në rekomandimin e Zyrës për Regjistrim, Certifikim dhe Kontrollin Financiar të Subjekteve Politike, është përfshirë si përfituese edhe Lista Serbe.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAnëtari i KQZ-së nga radhët e Vetëvendosjes, Sami Kurteshi, u deklarua i pari kundër.
“Jam kundër ndarjes së mjeteve të Listës Serbe. I kam dhënë argumentet e mia dhe vota ime është kundër ndarjes së mjeteve për këtë subjekt”, ka thënë Kurteshi.
E, anëtari tjetër i kësaj partie në KQZ, Alban Krasniqi, propozoi që në votim të vihet ndarja e mjeteve për secilin subjekt politik veç e veç.
“Nuk mendoj që zyra ka të drejtën të ndalë shumën për një subjekt. Totali i asaj shume u takon subjekteve politike; ky rekomandim apo miratimi duhet të jetë i veçantë për secilin subjekt politik dhe jo në përgjithësi”, ka thënë Krasniqi.
Propozimi i Krasniqit nuk u mbështet nga shumica e anëtarëve.
E, drejtori i Zyrës për Regjistrim, Certifikim dhe Kontrollin Financiar të Subjekteve Politike, paraprakisht propozoi shumat për subjektet.
“Gjithsej 14 subjekte politike përfitojnë. Zyra rekomandon KQZ-në që të bëjë ndarjen e buxhetit për dy muaj. Zyra ka analizuar edhe aktet tjera ligjore, ku shuma prej 10 për qind për grupet parlamentare rekomandohet të ndahet prej datës 1 janar deri më 9 janar. Lidhur me këtë, zyra rekomandon që mjetet të ndahen nga fondi. Sipas rekomandimit, subjektet politike që do të përfitonin janë: Lëvizja Vetëvendosje – 353,898.31 euro, PDK – 115,932.20 euro, LDK – 91,525.42 euro, Srpska Lista – 54,915.25 euro, AAK – 48,813.56 euro, Kosova Demokratik Turk Partisi – 12,203.39 euro, etj.”, ka thënë Buzhala.
Në mbledhjen ku nuk kaloi ndarja buxhetore, KQZ-ja ka miratuar dizajnin dhe përmbajtjen e fletëvotimeve për zgjedhjet e 9 shkurtit.