BE: Serbia të bashkëpunojë pa parakushte për hetimin e plotë të sulmit në Banjskë

Zyrtarët e Bashkimit Evropian kanë thënë se masat ndaj Serbisë janë të mundshme pasi të vërtetohet se ky shtet ka pasur lidhje me sulmet e 24 shtatorit.

E zëdhënësi i Bashkimit Evropian, Peter Stano, i ka bërë ftesë Serbisë që të bashkëpunojë pa parakushte në hetimin për të zbardhur të gjitha rrethanat e sulmit. Stano ka thënë se të gjithë duhet të bashkëpunojnë, kur është pyetur për deklaratën e Vuçiqit se Serbia nuk do ta ekstradojë Radoiçiqin në Kosovë.

Në BE, po ashtu, kanë kërkuar nga të dyja vendet që t’i kthehen dialogut.