-
Nga:
Alberina Haxhijaj
- 6 shtator 2020 09:00
- Shpërndaje në:
Tepria me alkool në një ndejë në Moskë bëri që regjisori i ri belg, Dorian Jespers, të niste një udhëtim të pamenduar në Arktikun rus.
Eksperienca e çuditshme u bë sebep për filmin e tij të diplomës, “Sun Dog” (2020). Projekti i shkurtër filmik pati një fillim të mrekullueshëm. U shpërblye në “Film Fest Gent” në Ghent të Belgjikës, në “The International Film Festival Rotterdam”, në Roterdam të Holandës, në “Vienna Independent Shorts”, në Vjenë të Austrisë e po ashtu mori ftesa për t’u shfaqur edhe në institucione me rëndësi, si “MoMa”, “Tate Modern” apo “European Film Awards”, shkruan KOHA.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Sun Dog” arriti edhe në Kosovë, ku u shpërblye në edicionin e 19-të të “DokuFestit” si filmi më i mirë në garën e filmave të shkurtër. Festivali Ndërkombëtar i Filmit Dokumentar dhe të Shkurtër për shkak të pandemisë sivjet është mbajtur online nga 7 deri më 25 gusht.
Jesper, i cili studioi kinematografinë në “Audiovisual Arts” në shkollën e artit “KASK & Conservatorium” në Belgjikë, ka lindur në Bruksel në vitin 1993. Në një intervistë për KOHËN, ai ka zbuluar detaje rreth projektit që ia dha titullin regjisor dhe po e bën të njohur në qarkun e filmbërësve.
Kamera si një personazh i pakuptueshëm
Vëmendjen e jurisë së “DokuFestit” në kategorinë e filmave të shkurtër, “Sun Dog” e mori për qasjen vizionare e tregimit të një bravandreqësi të ri në qytetin e ngrirë, ku nata e padurueshme e dimrit të thellë që zgjat përgjithmonë përshkruhet përmes fantazisë së personazhit në një perspektivë shumë unike. Sipas regjisorit, filmi ekziston falë takimeve të rastësishme.