-
Nga:
Alberina Haxhijaj
- 27 dhjetor 2019 11:58
- Shpërndaje në:
Në dy muajt e fundit të vitit, kryeqyteti është bërë me 12 minibiblioteka. E fundit është vendosur të enjten në sheshin “Ibrahim Rugova”.
Synimi i gjithë kësaj pune është që të nxitet leximi. Me gjithë disa prej sulmeve që kanë pasur minibibliotekat – me gjuajtje me vezë, thyerje e xhamash e vjedhje librash – implementuesit e këtij projekti s’janë ndalur në konkretizimin e nismës duke vazhduar, “derisa rrënuesit të bëhen lexues”, shkruan sot Koha Ditore.
Në eventin përmbyllës të fundvitit, “Hyjnesha n’libër” dedikuar minibibliotekave, të enjten, është festuar suksesi e po aty është shpalosur plani për vitin që po vjen.
Mirëmbajtja e atyre që janë inauguruar në Prishtinë është njëra pjesë. Por projekti do të zgjerohet. Edhe gjashtë qytete të tjera do të bëhen me minibiblioteka. Në Prizren, Gjakovë, Pejë, Mitrovicë, Gjilan dhe Ferizaj do të vendosen nga dy sosh.
Ishte lagjja “Dardania” në kryeqytet, e cila në ditën e 5 nëntorit u bë e para me minibibliotekë....(Artikullin e plotë mund ta lexoni sot në “Koha Ditore”)
