Të martën nisi edicioni i 69-të i Festivalit Evropian të Këngës, “Eurovisionit”
Shqipëria ishte në mesin e dhjetë vendeve që u kualifikuan në finale nga gjysmëfinalja e parë. Në finale shkuan edhe Norvegjia, Suedia, Islanda, Holanda, Polonia, San Marino, Estonia, Portugalia dhe Ukraina.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Të enjten do të jetë gjysmëfinalja e dytë. Aty 10 nga 16 shtetet shkojnë në finale. Finalja është më 17 maj, e shtunë.
Zvicra e organizon pas 36 vjetëve “Eurovisionin”
Zvicra gjithashtu ka qenë nikoqir i Eurovisionit të parë në histori.
Shqipëria me “Zjerm” në finale të “Eurovisionit”
Performanca e Shkodrës Elektronike në gjysmëfinale të “Eurovisionit”
Kënga “Zjerm” nën interpretimin e grupit Shkodra Elektronike është kualifikuar në finalen e “Eurovisionit 2025” që po mbahet në Basel të Zvicrës.
Shqipëria u kualifikua e dyta, menjëherë pas Norvegjisë.
Biletë në finale, veç Shqipërisë e Norvegjisë, siguruan edhe Suedia, Islanda, Holanda, Polonia, San Marino, Estonia, Portugalia dhe Ukraina.
Të enjten do të jetë gjysmëfinalja e dytë. Aty 10 nga 16 shtetet shkojnë në finale. Finalja është më 17 maj, e shtunë.
Shqipëria vazhdon të mbajë rekordin e përfaqësuar me Rona Nishliun në vitin 2012. Ajo me këngën “Suus” qe radhitur në vendin e pestë. Në top 10, Shqipëria hyri edhe në vitin 2017, e përfaqësuar nga Lindita Halimi me këngën “World”.
Shqipëria për herë të parë mori pjesë në “Eurovision” në vitin 2004. Atë vit u përfaqësua nga Anjeza Shahini me këngën “The Image of you” (Imazhi yt), me të cilën zuri vendin e shtatë. Kjo pozitë mbeti më e larta që arriti deri në vitin 2012.
Zvicra e organizon pas 36 vjetëve “Eurovisionin”. Këngëtari zviceran Nemo e fitoi “Eurovisionin” e vitit të kaluar. Para tij, për herë të fundit e kishte fituar Celine Dion në vitin 1988.
Zvicra gjithashtu ka qenë nikoqir i Eurovisionit të parë në histori.
Hapet votimi për finale
(E përditësuar 22:54) - Mbyllet votimi.
Është hapur votimi për të çuar në finale 10 nga 15 performuesit e sotëm në “Eurovision”.
Votën për finale e pret edhe Shqipëria, që u prezantua me këngën “Zjerm”, performuar nga Shkodra Elektronike.
Shqipëria ka numrin 12.
Votimi do të qëndrojë i hapur nga 15 deri në 25 minuta.
Shqipëria me “Zjerm” e ndez “Eurovisionin”
Shqipëria ndezi skenën e “Eurovisionit” me këngën “Zjerm”, performuar nga Shkodra Elektronike.
Grupi u ngjit në skenë i 12-i.
Performanca u shoqërua me efekte vizuale dinamike dhe ritme elektronike karakteristike, duke u pritur me entuziazëm nga fansat e festivalit.
Pas Shqipërisë, do të performojnë edhe tri shtete para se të hapet votimi për finalistë.
“Shkodra elektronike” u themelua më 2019 dhe repertori i tyre kryesisht përfshin rikrijime e ripërpunimeve të perlave të këngës shqiptare. Kishin filluar si grup projekti në vitin 2019 dhe në këtë kohë ata performuan në shumë ngjarje të rëndësishme italiane dhe shqiptare. E para ishte me rastin e hapjes së Pavijonit Kosovës dhe Shqipërisë në Bienalen e Venecias më 2019. Më tej kishin vazhduar të thellojnë zhanrin e tyre me hapjen e ekspozitës personale në Tiranë të artistit Adrian Paci, e në edicionin e katërt të Festivalit “Zā Fest” e të tjera. Në vitin 2020 filluan të publikojnë këngët e para. Kënga origjinale “Ku e gjeta vendin” ishte fituese e çmimit special në “Festivalin Lule Borë" e më tej kishin nxjerrë edhe të tjera një vit më pas si “Synin si qershia” e “Turtulleshë”.
Në edicionin e kaluar, me votat e publikut, të drejtën e përfaqësimit të Shqipërisë në “Eurovision” e pati Besa Kokëdhima me këngën me titull “Zemër n’dorë”. Ndërsa fitues i edicionit kishte dalë Mal Retkoceri me këngën “Çmendur”. Në finale ishin interpretuar 22 këngë.
Islanda e hap gjysmëfinalen e Eurovisionit
Grupi “Væb” nga Islanda
Grupi “Væb” nga Islanda e ka hapur gjysmëfinalen e Eurovisionte sonte në Basel. Ata performuan këngën “Roa”.
Pas tyre performoi Polonia. Justyna Steczkowska performoi “Gaja”.
E treta performoi Sllovenia me Klemen, që këndoi “How Much Time Do We Have Left”.
Tommy Cash e ka reprezentuar Estoninë me këngën “Espresso Macchiato”
Shqipëria do të performojë e 12-a.